23.12.09

^^လျှပ်တစ်ပြက်ရိုက်ချက်^^


နှလုံးသားနုနုပေါ်မှာ ခပ်ကြမ်းကြမ်းစုတ်ချက်တွေနဲ့ရေးခြစ်ထားတဲ့ မင်းနာမည်
ပုံဖော်လို့မရသေးတဲ့ ဘ၀ခရီးအတွက် စီမံကိန်းတွေအက်ကြောင်းထပ်နေအောင် အိပ်ကူးအိပ်မက်တွေတည်ဆောက်ခဲ့
သိပ်ချစ်တယ် ဆိုတဲ့စကားလေးတစ်ခွန်းကို တစ်ယောက်တည်း မင်းအတွက် ကန်ထရိုက်ဆွဲထားချင်မိတာ မိုက်ရူးရဲဆန်တယ်လို့မမြင်နဲ့
ခါးသီးတဲ့ ဘ၀မှာ ဆုံဆည်းဖို့ဆိုတာ မဖြစ်နိုင်တဲ့အတွက် မင်းကို ပါးပါးလေးပဲလွမ်းချင်မိတာ ငါ့အတ္တပါ
နင့်နေအောင်ချစ်ခဲ့မိတဲ့ငါ့နှလုံးသားက အမှတ်သဲခြေမရှိဘူးလို့ပြောလည်း ခံယူယုံပဲ
ပုံပြောကောင်းတယ်လို့မထင်ပါနဲ့ ပုံပြင်ဆိုတာ အတိတ်ကဖြစ်ရပ်တွေကို ပုံတူကူးထားတဲ့ မိတ္တူတစ်စုံပါ
ခပ်ညံညံအတွေးတွေနဲ့ ပုံဖော်ထားတဲ့ အချစ်ပုံရိပ်ကို ဘယ်တော့မှ မလှောင်ရီ ပါနဲ့
လေးနက်တဲ့စိတ်ကူးနဲ့ မင်းအတွက် ငါရဲ့သစ္စာတွေက ချိုမြိန်မှုတွေပေးနိုင်မယ့် အားဆေးတစ်ခွက်ပါ
မင်းပုံရိပ်ကို တစ်ဘ၀စာ သိမ်းဆည်းထားချင်တဲ့ ငါ့ memory တွေကို ခုတော့လည်း
ဗွီဇက်အိုထဲကပဲ လျှပ်တစ်ပြက်ရိုက်ချက်လေးနဲ့ ဖြေသိမ့်လိုက်တော့မယ်.....

No comments:

Post a Comment